Teken in op my nuusbrief en ontvang Ontkoppel en Ander Kortverhale – ‘n bundel van al my gratis Afrikaanse kortverhale vir volwassenses tot op datum.
Die bundel bevat: Krisjan se Meisies, Charlie en Ontkoppel
Die nuusbrief sal net kennisgewings bevat oor my Afrikaanse verhale. Ek stuur net nuusbriewe uit wanneer ek iets belangriks het om te deel.
Krisjan se Meisies
2,807 woorde / 10 bladsye / 11-16 minute leestyd
Wanneer Danie by sy vriend Krisjan se afgeleë huis aankom vir ’n intrekpartytjie, verwag hy ’n rustige aand. In plaas daarvan vind hy ’n vertrek vol pragtige meisies — en ’n atmosfeer wat net effens… té goed voel om waar te wees. Soos die nag aanstrek, verander bewondering in onrus, en onrus in vrees. Wat as ’n onverwagte gelukskoot begin het, ontaard in iets veel gevaarliker en dwing Danie om ’n keuse te maak wat hy hom nooit sou kon voorstel nie.
#riller #wetenskapsfiksie #kortverhaal
Charlie
1,095 woorde / 4 bladsye / 4-7 minute leestyd
Paul het lank gewag vir hierdie oomblik—’n ontsnapping wat tot in die fynste besonderhede beplan is. Met Charlie, ’n geharde oorlogsveteraan in ’n rolstoel, wat die pad aanwys, is vryheid uiteindelik binne bereik. Maar soos die plan ontvou, begin die grense tussen werklikheid en illusie vervaag…
#spanning #flitsverhaal
Ontkoppel
1,069 woorde / 4 bladsye / 4-6 minute leestyd
Lisa se lewe is perfek gerieflik – ’n wêreld van virtuele vergaderings, digitale vriende en bestemmings wat sy besoek sonder om haar huis te verlaat. Maar wanneer drome van ’n kokerboomwoud haar begin agtervolg, besef sy iets kort in haar lewe…
#wetenskapsfiksie #flitsverhaal
Kortverhale vir intermediêre-lesers (ongeveer ouderdomme 9-13)
Teken in op my nuusbrief en ontvang Iets Skuil In Die Donker – ‘n bundel van al my gratis Afrikaanse jeugverhale tot op datum.
Die bundel bevat: Die Bure, Die Tydgestikte Klerekas en Iets Huil In Die Nag
Die nuusbrief sal net kennisgewings bevat oor my Afrikaanse jeugverhale. Ek stuur net nuusbriewe uit wanneer ek iets belangriks het om te deel.
OOK BINNE DIE EBOEK: Inligting oor hoe jy kan deelneem aan ‘n spesiale kompetisie!
Die Bure
1,023 woorde / 4 bladsye / 5-8 minute leestyd
Anton moet in die bure se geheimsinnige erf rondsoek vir ‘n paar verlore krieketballe. Maar wat is nog alles versteek op hierdie ou, verlate erf?
#riller #flitsverhaal
Die Tydgestikte Klerekas
2,079 woorde / 7 bladsye / 10-15 minute leestyd
Toe Henna en haar ma by haar vergeetagtige ouma intrek, voel die ou huis reeds vreemd. Maar wanneer Henna ’n paar pantoffels in die klerekas moet gaan soek, ontdek sy dat sommige deure verder oopgaan as wat ’n mens sou verwag…
#fantasie #flitsverhaal
Iets Huil In Die Nag
1,424 woorde / 5 bladsye / 7-12 minute leestyd
Gerrit en sy beste vriend, André, verwag niks meer as ’n naweek van stowwerige hindernisbane en flou spanbou-aktiwiteite op ’n afgeleë plaas nie. Maar die nag het ander planne.
Laatnag word hulle wakker van ’n geluid wat die hare op hulle arms laat rys—’n dun, skril gekerm, soos ’n baba wat iewers tussen die skaduwees huil. Maar daar is geen babas op hierdie kamp nie. Wanneer die seuns uit hul tent sluip, lei die gehuil hulle dieper die pikswart bosse in. En wat daar op hulle wag, is geen verlore kind nie…
#riller #flitsverhaal
Leesgidse:
Onderwyser of ouer? Kyk na hierdie gratis leesgidse vir gebruik in die klaskamer of by die huis.
Die Bure: Leesgids
Hierdie leesgids help leerders om Die Bure beter te verstaan en daaroor na te dink. Dit sluit begrips- en besprekingsvrae, woordeskataktiwiteite en verskeie skryf- en kreatiewe aktiwiteite in. Laai die leesgids (as ‘n pdf dokument) hier af.
Die Tydgestikte Klerekas: Leesgids
Hierdie leesgids help leerders om Die Tydgestikte Klerekas beter te verstaan en daaroor na te dink. Dit sluit begrips- en besprekingsvrae, woordeskataktiwiteite en verskeie skryf- en kreatiewe aktiwiteite in. Laai die leesgids (as ‘n pdf dokument) hier af.
Kontak my:
Kontak my gerus via epos by marinda@marindakotze.com indien jy enige navrae het of iets met my wil deel.
Volg my op sosiale media:
Facebook | X (Twitter) | Instagram
Koop vir my ‘n koppie koffie:
As jy my stories geniet en my graag wil ondersteun, oorweeg dit asseblief om vir my ‘n koppie koffie te koop via Ko-Fi of om ‘n donasie te maak na my PayPal.
Ko-fi: https://ko-fi.com/marindakotze
PayPal: https://www.paypal.com/paypalme/MarindaKotze
Leave a Reply